每個人喺人生中都會遇到自己嘅課題，從細個開始接觸，到大個後慢慢意識到問題嘅存在。 有啲人選擇唔去正視，只係hea住直到老咗喺病床上回望過去，先發現自己曾經有過咁多時間，但從來冇用心處理過啲問題。到嗰時想補救已經太遲，只能遺憾終生。 每一個課題，其實都係一個機會，一個比人學習、成長嘅契機。當跨過咗嗰個障礙，就會發現自己變得更強大，活得更自在自然。