好大打擊 出糧一個月先得一萬蚊左右 有時都未必有 （因為要湊小朋友，單親無長老） 而家佢話我個學生資助申請無做到 話有機會9、10、11月既學費俾唔返我 之後個腦一直諗 返工咁撚辛苦，賺埋賺埋食又唔夠租又唔夠 而家仲要俾一個月千幾蚊學費（因為學校全日有延展先返到7-8個鐘既工） 今朝真係哭撚左出黎 真係好大壓力 好似咩都唔可以做咁 平日日常買下餸搭下車都已經無左成份糧 仲未計小朋友洗費 前幾日諗住同屋企人商量話想搬返去同我母母住 佢竟然同我講話我搬返去住 佢無晒私人空間 佢唔係淨係得我一個女 聽緊啲咩野 真係聽到跌左落黑洞入面一樣 成個腦好似跳撚左制咁 係咪我磁場唔好 所以生活上成日都好多阻滯 定係應該放空個腦 唔好諗咁多 到冇晒錢先算🥹