由今日起記錄遇到嘅加拿大痴線佬 Rate my 白卡佬（1） 黐線指數：2/5 時間：~0030 地點：TTC 離屋企仲剩低五個站度，一路碌緊電話，feel到有個人影過左黎，問可唔可以借電話俾佢打個電話，嗰時我戴住牛龜咁撚大個嘅headphone，其實冇聽緊歌，但我照扮聽唔到，結果佢直接拍我膊頭，咁冇計，自己都碌緊電話，唔通答唔得咩 咁佢開始講電話啦，超大聲咁同對面個人講話自己落車，要去接佢，期間佢越講越激動，變咗兩隻手拎住部電話；咁其實本身佢有拎住個細喼嘅，架車剎車嘅時候個喼爭少少飛出去，結果你老味我仲幫佢托住個喼 佢好似傾唔掂數啦，但重點我真係要落車，好彩佢肯還返部電話俾我，嗰時架車都算多人，大家都喺度偷偷張望😂😂最後其實都冇特別事情發生，所以其實以白卡角度嚟講只不過係一粒星，另外一粒係加俾條八婆最後連thank you都冇句 檢討：下次應該先用no English! no English! 大法應付一下先