我想講我補習個妹妹間學校啲老師真係有啲癲 我補習個妹妹有讀寫障礙 唔識中文字 記性差 跟唔上之前間小學所以轉咗去一間英文直資小學 雖然妹妹唔叻 但至少幫佢補咗三年習 佢係一日一日慢慢咁進步緊 呢間學校啲老師完全唔會關心啲小朋友 淨係識話佢哋同質疑佢哋 永遠都淨係識扼殺妹妹嘅努力 好似張圖份功課咁 係份英文作文功課 入面一字一句都係妹妹自己寫落去 雖然唔係全篇文都係佢作 但至少係我哋一齊諗一齊作 宜家份功課派返嚟 收到一句咁嘅說話 個小朋友係有幾唔開心… 宜家係咪連教點做功課都唔俾 定係妹妹啲字靚到唔似佢自己寫 我真係唔明架🤓 / 我唔係第一次嬲佢學校啲老師 之前妹妹交咗英文書俾老師 本書一直都係老師度 妹妹有兩個星期冇書用 老師話係妹妹整唔見本書 叫媽咪買過本 到媽咪買過本新書 老師話原來本書喺老師度 最後係一啲歉意都冇 上次又話佢冇交功課 但明明份功課喺老師度 仲有一次 妹妹中文默書成績好低分 老師寫咗句類似「咩事」嘅說話 但佢知唔知妹妹温咗幾耐先識得佢拎到分嘅嗰啲字 係咪一句下次努力都唔識寫 係咪成績唔好就唔抵錫 咁做老師建議佢quit 呢啲人唔啱做老師😊 我今次真係嬲到癲咗