自己住咗十幾年，都係住劏房。搬過唔同區，最緊要揀個方便搭車又唔會太雜既區。budget計自己一個月租金係人工既1/3比較理想，傢俬去IKEA 、Aeon或者實惠基本上可以買齊，亦都唔會太貴。最好得閒上網學下用電批砌傢俬，IKEA 傢俬要佢砌埋要收費。

自由和寧靜係香港屬貴價品

一開頭買傢俬all in咗床褥床架先 其他一切從簡之後逐個月先再買返其他嘢 開支通常都係食嘢嗰方面控制下 同埋唔好俾自己病😂

Fg可以嘗試搵d青年宿舍

只要願意用二手物品（其實好多猶如全新），搬出嚟冇你想像中咁難。而且亦可以同人夾租分擔租金

經驗之談，建議喺近返工嘅區(慳車錢)入啲小地產舖問，佢哋會按你budget 盡量幫你搵。唔好急，睇睇下就會撞啱新裝修呀，有基本傢俬，有雪櫃洗衣機呀之類。最緊要係唔啱睇到啱，不過睇啱就要快決定，都搶手㗎。另外 Ikea 係幫到你，唔介意二手傢俬都有好多好嘢，而且畀傢電二次生命，個人真心覺得係環保。反而最走唔甩d上網水電月費，要計清楚係handle到。搵個煮到吓嘢食嘅地方，有時自己煮吓，經濟又健康。最後記得儲定個兩上一按，方便隨時出手。想當年我都係好需要自己有個地方，加油

可唔可同你fg夾租，我可以教佢自住

試吓搵啲service apartment

租地首選近番工地區，想平租揀唐樓（無電梯）、工廈（非法）、同人夾租。 慳錢就要自己一日三餐都自己煮，其他不必要洗費都唔好用住，等儲夠約半年租年預備金先再諗。

唐樓真係唔好租太高層。3，4樓比較好。 否則搬屋，買餸都會想死。