< 黑暗森林法則 > 喺宇宙之間總共擁有嘅資源係固定的，每一個文明就好似黑暗森林入面嘅獵人，盡量要喺唔俾其他獵人發現時，隊冧其他獵人。因為資源有限時唔係你死就我亡。但聰明嘅獵人們會抱團，組一隊人，喺呢個黑暗森林入面圍毆每一個佢地遇到嘅獵人。 DSE都係類似一個黑暗森林，每個同學都喺資訊不透明嘅情況準備考試，你覺得自己平時溫書時間好足夠，其實可能好多人比你溫書時間更多。分享資訊可以幫你知己知彼，你將你識嘅/你擁有嘅資源分俾人，人地又會將佢有你冇嘅嘢分享俾你，考試同打仗一樣，知己知彼，百戰不殆。而公開試嘅贏家，拎到大學入場卷嘅唔係一個人，而係一班人。唔需要互相廝殺到死剩一個先至叫贏，可以係一班人一齊贏，贏咗唔識得合作嘅其他人。喺呢座黑暗森林入面你覺得一個人行定係一班肯互相幫助嘅同學一齊行勝算大啲？ DSE事小，人生都係一座黑暗森林，因為你嘅肉身係存活喺一個資源有限嘅現實社會。無論你將來投身邊個領域，做任何事情都請記得：自私係人性，但高手都係反人性的。 聖誕快樂🎄