想紀錄一下年少時發生過有趣的事： 3： 中學時試過挑戰同校籃球校隊，果陣令我知道戰術的重要性。 當時剛畢業個暑假，論個人實力 ，整體實力同校隊有距離，除咗最勁果個有校隊level，跟住就得兩三個勉強有力一戰，其餘完全未夠班。 但賽前我地認真研究戰術，記得key 波果個舉食指代表一號戰術，舉拳頭/兩隻手指/三隻手指/四隻手指同五隻手指代表二號戰術，比賽一開始我地就領先。 而比賽因為只係私鬥，佢地冇教練同可能覺得食硬我地，全程就只靠個人技術。 雖然我方實力體力都不夠，但憑輪換同嚴格執行戰術，加上對方越輸越急，我地竟然全程壓倒性勝利。 賽後佢地仲問點解咁短時間諗到咁多戰術（其實都諗咗一晚） 至於果兩個戰術，今時今日我仲記得。