續： 我就行左埋去鐵絲網度望，同張櫈嘅距離大概五至六米，我見到係冇任何晾衫竹或繩，套衫正如我頭先講係有個透明物體著起左咁，因為連頂帽都係有人戴住左咁，我好驚大力咁眨左一下眼再扒埋個鐵絲網度睇多次，點知套衫郁，嚇到我即時掉頭衝返落下坡唔敢再上燒烤場，而之後因為我太驚唔想玩任何嘢，我就行行下左去其中一個小球場，奇怪地個球場見唔到任何同學仔，之後我聽到背後有人叫左一聲，我就擰轉頭睇下，但見唔到人，再轉頭時眼前個小球場變左墳場，但周邊景物係一樣嘅，嚇到我衝返去搵老師大喊！ 我過左咁多年仲記得啲墳碑有啲生哂青苔，不過當年太細個又唔識表達返比家人知，我印象中個日完左發燒病左一場，由嗰日起每年小學旅行都會有啲小小故事。 靈異故事