鍾意做嘅事，若因為生活有太多雜項，而未能成日去經營，只能心中時常記掛，其實並唔開心。 倒不如將腦海中時常出現嘅願景定為目前人生嘅發展重心，將不必要嘅雜務删减咗佢，或延後執行日期，將多出嚟嘅時間投放入自己真心想發展嘅事務，集中火力去經營佢（揾唔揾到錢都好），或許最後會令人生帶來更大嘅快樂同滿足感。 但首先要釐清心中真正想做嘅事有邊幾樣，再從中選出一項，俾幾年時間自己去認真嘗試。 以前會覺得自己可以一次過經營幾樣嘢，但時間有限，一心真喺不能二用，最後只會變成每樣事情都只可以起到個頭，之後就散沙一盤，失去原先嘅動力，繼而產生咗好多負面嘅聲音：如果有更多時間去做A/B/C/D就好啦，但而家⋯⋯ 如果真喺有好多嘢想實現，先選出一樣，做好佢，上咗軌道或完成咗，再開始第二樣，咁真正實行到嘅機會反而大增。 始終實現到一個願望，總好過十個願望，無一個完成到。 （1/2）