破壞心情系列，有屎慎入 💩 天水圍悅品天秀酒店 星期六日一家大細十幾人約埋一齊 staycation，諗住開心 family day。下午 check in 完就上房擺低背囊，再成班人一齊去行街，夜晚食buffet 仲多人有成20幾個 (有啲只 join buffet ) ，直頭當係團年飯㗎喇。 到 9 點食完就準備同老婆返 613 號房，因為行街行咗成日都好攰，所以就直接由床頭捐入被竇再趴係度攤唞下。 跟住趴趴下就聞到一浸臭味，我老婆話佢聞唔到，而我係一路 keep 住聞到臭，咪落床周圍睇下囉。 我一揭開張被起身嗰下，我老婆即刻係度嘩嘩聲，一轉頭就見到張床有啲啡色嘢嘅，開頭以為係朱古力仲走去聞下 confirm，點知臭嘅 🤢 真係屎嚟 🤮然後發現條面褲右邊 patpat 位有屎蹟 🤮 張床冇啦啦有屎，我唔知情成個人瞓咗上去，仲要 hi 咗落我著緊嘅唯一嘅褲上面，嗰下真係乾嘔咗幾下🤮 再衝入廁所清潔，之後即刻打電話落前台，結果打咗成十分鐘都唔通，係所有部門嘅電話都唔通 😑 唯有着住條屎褲同我老婆一齊落去大堂。