隔咗一陣，呢位經理打俾我細佬，話我情緒好激動 😀 所以就聯絡冷靜啲嘅細佬睇下我哋想要咩賠償補償。然後由 10 點等條褲等到 2 點幾瞓著咗，到朝早 6 點幾餓醒都未見到條褲 😑 要再打電話比佢哋追問，先至成功拎返。 到 check out 嗰陣，問前台到底酒店方面跟進成點，前台姐姐再 call 大堂經理落嚟。到阿大堂經理嚟到，又重覆尋晚嘅嘢：首先睇到同事有拎床單出入間房，即係有清潔。跟住由客人擺低背囊到再入房期間係冇人入過去嘅。 聽到呢度我屋企人即刻火滾 😡：既然經理你講你啲員工冇問題，咁即係話佢賴屎再屈你啦！？係咪！？？ 經理：我冇咁講過，不過都唔排除呢個可能性 😀 屋企人：CCTV 淨係見到個房務拎床單出入，咁你有冇見到佢真係有執房先？ 經理：咁係見唔到嘅，都有呢個可能性，我唔會排除任何可能嘅 😀 屋企人：咁點阿而家？會唔會道歉先？ 經理：要我個人道歉當然冇問題，不過依家唔係百分之百證明係酒店方面有問題，所以我係唔會代表公司道歉嘅 😀 屋企人：依家係你間酒店張床上面有屎喎！唔係酒店問題唔通係我問題阿？？？？？