以下呢段分享，我講左20次，也想記錄一下😂 我曾經喺演藝學院讀咗兩年文憑課程，原本要讀多三年先可以學位畢業。但我嗰陣對於自己作為演員呢件事有d野諗唔通，成個人好kick，於是我選擇休學一年，但係一年之後，我都唔知點解無再返返去演藝。我到而家都好後悔。 不過我仲係好想從事演藝工作，所以我去咗一個主題樂園「扮公仔」，再之後去左另一個主題樂園做「見樣嘅演員」，再做埋配音。開頭都enjoy嘅，跟住做吓做吓開始問自己做緊咩，點解做嘅野同舞台劇演員好似無咩關係咁，好怕自己越行越遠！但而家睇返轉頭，扮公仔同配音都係訓練緊我嘅身體同聲線，原來一直我都用唔同嘅方法去行緊！ 兜兜轉轉我用咗7年終於做得返我最想做嘅舞台劇演員。 人生入面少不免會做錯決定，不過唔緊要㗎！兜路都可以學到好多嘢，再唔得咪沿路折返，再嚟過囉！ 我最想做嘅係音樂劇演員，雖然都仲兜緊路，但我已經更清楚自己想要乜嘢，或者至少知道有乜嘢唔啱自己。我肯定會一步一步行過去！ 我係舞台劇演員MilMil。 #演員 #香港演員 #香港女演員 #香港舞台劇 #舞台劇演員 #舞台劇女演員 #hkactor #hongkongactor