唔經唔覺我係新公司都做左差唔多半年 本人以過往既親身經歷勸喻大家年尾搵工轉工時 ———— 一定一定要搵間廁所乾淨既公司！！ 雖然好多人都知呢樣野 但我都要解釋點解我突然有感而發 話說我以前係海港城工作多年，一直都無咁覺得廁所有幾重要 直至上年2月被裁員後去左柴灣番工 雖然柴灣果棟都係甲級寫字樓 但始終都係舊樓翻新 廁所污水系統同通風都有問題 例如廁所時不時有好大陣渠味 有人屙💩後會臭好耐（偏偏間公司啲人又好鐘意屙💩） 講真我正常狀況下係唔會係公司屙💩既，除非肚屙 但果度廁所既環境唔可以令我舒服地肚屙 仲記得有次柴灣全區停咸水，仲係停足全日 果日真心係絕望地獄黎 三格廁所，每一格既馬桶一打開都塞滿廁紙，然後on top有💩同埋🩸 （你無睇錯，三格都有，仲要舊💩係光明正大咁放係最上面） 雖然公司放左個膠桶比人裝水沖廁，但真心有邊個會咁有手尾，尤其個情況已經一發不可收拾 如果你諗住去附近公廁/ 商場如廁都無用，因為係全區停咸水 半年前終於轉番黎海港城 某日我肚屙，坐係個乾淨既馬桶上面，突然好感觸 一直想打呢篇文，一直都懶打咁多字 祝願所有正在搵工既人都搵到有間可以安心肚屙既廁所既公司