如果冇同街坊傾計，應該唔會知道華富邨部分樓宇要用鐵架外部支撐，但有D仲係睇落安全。 《華富人》嘅空間運用好好，舊式屋邨嘅特色係公共空間充裕、好多唔同 dimensions (levels >> 有唔同嘅路線)，隨住《華富人》遊戲發展到訪唔同 checkpoint ，完成 task 嘅同時亦都觀察緊依個社區。 欣賞 Wendy 開始遊戲時分配玩家唔同角色，令大家好快入局。 《華富人》創作嘅過程都有同華富邨居民溝通，只要唔影響日常生活之下都歡迎遊客過嚟華富邨參觀，同時間以民間小店同埋居民建議嘅地點作為 Checkpoint，令大家認識華富邨。 《華富人》得到 MakerBay Foundation 嘅資源同 coaching，係半年時間獲得10萬元資助研發項目，創作過程都十分快。 進一步係，《華富人》係 Wendy 一人自己策劃，參考台灣嘅實境遊戲將模式帶到嚟華富依個社區，將華富邨嘅人同事分享俾外人。社區探索未必係導賞團嘅形式呈現，用遊戲解謎更令我地遊走依個社區，更用神嘅觀察唔同社區嘅細節。