生仔搵命博 近日有單新聞話屯門醫院BB胎死腹中、媽媽入ICU，令我回想當年生小朋友，生小朋友真係搵命博 由於阿B預產期前既檢查，發現佢生長忽然變慢又無乜脂肪，醫生決定安排催生，第一日一早入院就塞咗一粒藥就乜事都無，姑娘只係講 : [ 如果好肚痛要去廁所，要同姑娘講 !! ] 跟住，就自由活動啦，即係可以係產前房四圍行，玩下生產球，到第二朝，醫生話可入產房穿水催生啦! 人工穿水後，開始計時如穿水12小時都生唔到，就要去開刀。好好彩，慢慢開始有宮縮，初頭既陣痛都仲忍到，但大痛時真係痛到出唔到聲，果刻有D後悔唔揀開刀；痛到想生但因未夠度數，但助產士話唔可以用力生，要忍住，如果唔係好危險，一係阿B爆頭，一係我爆子宮，但又唔可以經常Check 度數，因有感染危險.... (字數限制，結果在留言!)