今日係返新工既第二日，竟然感覺到我過緊想像中加拿大既生活！！呢種感覺係三年黎都冇既⋯因為以前又做大醫院、黎到又做大（香港既中型）醫院，所以感覺分別唔大，好似除左講電話係英文以外，出報告同啲機其實都係差唔多，又係望唔到出面既世界係點，又係覺得好悶、覺得自己同個機器人都冇咩分別。以前既同事多數菲律賓人、CBC，而家多數同事同係白人，仲要今日train我既係一個講野勁慢勁nice既old lady，一見到佢我就心諗：終於遇到我想像中既加拿大人啦！ 我見佢做野慢條斯理既程度，更加覺得：嘩 成件事好加拿大呀！ 竟然兩個鐘唔出result都冇人打黎追！ 我第一次做咁細間醫院，以為好多野會好落後，點知so far d野好似幾make sense，team lead係十二月仲安排左6個活動，包括填字遊戲、估下聖誕襪入面裝左邊十樣野之類，我唔知其他同事en唔enjoy，不過我就覺得幾warm幾有心🥹，佢仲親自帶我行去cafeteria 同parking，呢啲小事係我做開大醫院未曾想像過既，更何況呢啲係唔會有勁嘈既tubing system、周圍都係homeless同唔停既code white，⋯⋯（續）