Werewolves     2024 導演做得最正確嘅一樣嘢就係定位清晰，冇囉嗦冇說教冇扮高深，短短幾分鐘交代完故事背景就正式埋牙開波。 電影包裝上用嘅依然係最大眾化嘅方程式： 超級月亮改變人類基因，令到被月光照射過嘅人變成人狼，到處大開殺戒，一夜之間全球人命傷亡以百萬計。 慘劇之後一年內，科學家不斷努力研製疫苗對抗超級月亮，喺第二年超級月亮再次出現嘅時候，搵咗幾名志願者測試疫苗，而男主角，一名前軍隊官兵，就係負責今次實驗嘅保安。 唔使講都知道，實驗當然失敗，正所謂唔出事，又邊有得講故事？ 劇情同結局唔難估，大眾化劇情來來去去嗰幾招，而且必然有尷尬位。 明明重機槍要不停掃射先打得死一隻人狼，但係男主角隨手攞起之鐵通就將其置諸死地。 有禮儀男主角為咗保護兄弟嘅遺孤，自我犧牲變成人狼，對付阿嫂鄰居，同樣變成人狼嘅前軍隊下屬，本來以為會係一場龍爭虎鬥，誰不知男主角三兩下手勢就將對方成個頭扯落嚟，主角光環果然不同凡響。 不過最搞笑係結局，變咗人狼只要照日光又可以變返正常人，吹脹。 不過成套戲可以話從頭緊張到尾，勉強都叫做值回票價。