好耐冇update梳乎仔近況了，1歲11個月嘅小朋友，多嘢講，多要求（俗稱扭哩樣扭嗰樣😒), 大力水手鐘意幫手搬嘢🤓😛（可能我陀佢嗰陣飲得牛骨湯多嘅關係😅), 鐘意玩水，動物都OK，最叻叫貓貓！沖涼見到我啲一罌二罌，成日話要膏膏，搽搽，噴噴🫢。 今日都跟翻澳洲小朋友成長路上指定動作，每年要同聖誕老人影相（上年仲係覺得好老土唔想去，但而家已經跟大隊😆），呢個小朋友呢排成日話要Santa ，去到見到又驚😑, 不過算啦，成長必經階段, 加油仔仔，每日聽到你大大聲咁叫：媽媽！（如果聽過佢叫，呢句嘢即刻有聲🤣🤣，耳膜都穿咁滯大聲到😅）做咩都抵返晒