係太子行街個陣，見到呢間食壽喜燒，為咗依肚就入去試吓😂😂餐廳以木調同埋日本風為主，坐嘅位置都闊落，我同朋友兩個人食，啲嘢食都唔會擺到太迫。 之後見隔籬枱叫嘅牛肉都唔錯，所以先同朋友嗌咗幾款牛食。佢哋提供牛嘅種類都幾多，我同朋友就揀咗近江牛、日本和牛、澳洲和牛、松板牛、A5佐賀牛。 每碟份量都適中，而且和牛油脂分布平均，同埋師傅都切得又薄又大塊，食落口啱啱好🤩🤩🤩最緊要係佢哋嘅牛唔會韌，肉質嫩滑，同埋係新鮮嘅。食咗一陣，個湯底都有哂牛味，當我哋再落晒啲蔬菜落去，啲蔬菜已經吸哂所有精華，好入味💕💕💕💕 另外餐廳服務唔錯👍🏻態度好好😌