今日見到一個叔叔係咁㩒商場既一個長方形既筒， 然後，有個姨姨行埋去伸手係上面揮下揮下就開左， 係一個感應式垃圾桶， 然後叔叔舉一舉手（多謝姨姨），掉左垃圾落去， 姨姨無出聲就走左。 事情發生前後只係5秒。 好彩既係叔叔唔係唔識用就是但掉垃圾係anywhere， 而係嘗試用佢識既方法去開個垃圾桶， 儘管佢最後都唔成功。 姨姨係一個好典型既香港人， 平時面無表情但見到人有困難又會幫手， 幫完之後頭也不回咁離開。 呢件事令我係度諗，人真係要識得去學習， 係埋怨個世界放棄你既時候， 係咪應該諗下其實只係你放棄緊個世界。 世界唔會因為你而停止， 你可以做既只有跟貼佢，令佢唔好放棄你， 係咁殘忍，因為人類總要在狹縫中生存。