其實問一聲係咪真係咁難？可唔可以做返個好榜樣比小朋友先好去貓咖？ 職員其實一入門口已經講得好清楚話唔好畀人嘅嘢食畀貓食，但係有位家長可以完全唔理， 隻貓食緊佢D食物殘渣，佢仲可以係到摸佢而唔係制止隻貓嘅行為，然後班貓齊齊開餐食雞骨，擔嚟擔去，好彩職員發現啫，唔係嘅話D貓真係隨時腎虧， 正常人有少少常識都知道貓狗係唔可以隨便食人食嘅食物(除非係水煮/蔬果類) 然後就係檯面上梳毛器同逗貓棒問題，其實餐廳須知都有寫貓玩具係要額外購買，餐廳並冇提供免費嘅，去餵貓區域餵咗陣貓之後個梳毛器唔見咗， 係後來職員喺一個近門口嘅貓窩度發現，但我期間係完全冇行過去門口，即係有人係我哋餵貓期間偷偷地冇問過就拎咗嚟用，其實都幾pk(在埸就得嗰幾檯客，得餵殘渣嗰檯冇買/帶貓玩具，都知邊個啦)， 本身係見嗰啲貓喺度自high玩得開心先冇收埋，但經過呢件事之後會吸取教訓收返埋D嘢入袋先去餵貓。 其實你唔想洗28蚊經餐廳買佢嗰個，用人哋嘅唔係問題， 但係要經過人地同意囉，如果唔係嘅話同偷冇分別😅 當然啦，你而家唔教好你個女，將來喺社會都會教訓你，唔係個個都咁好脾氣 貓咖