《壞速度錶》 👀當你揸咗幾年巴士，好多你完全無諗過「咁都得？！」嘅嘢都有可能會出現，never say never🤖。 話說有一日，揸41A，上到南橋，驚自己超速，望一望支油針，指住六點方向，以為自己眼花，再望，速度係0 km/hr，屌，咁架車係有電子速度顯示嘅，只係字體比較細，用眼去搵實在太分神同危險，所以當時嘅處理係，並無任何正常速度顯示俾到我睇👀。 諗咗幾秒，架車無著燈，引擎聲正常，望左右鏡車身靚仔，轉眼已上到3號仔，嗰陣我有3個選擇去判斷自己嗰速度： 1. 跟其他巴士（陽光除外） 2. 慢過其他私家車 3. 引擎聲 夜半無人，前後30秒距離都無巴士，選項1已死。至於選項2，難度太高，其他私家目測飛緊90至100，無謂玩自己。how about 選項3？係有啲用，再加上多年經驗磨鍊返嚟嘅直覺，40幾同60幾只要留心少少係可以分辨出嘅，只係壓力會比較大，巴士都裝咗超速警示器，如果過咗警界線，輕則再培訓，重則即炒，至於條線係咩呢？嗱，呢個係行業秘密㊙️，我雖然唔算做得耐，但都可以講叫做摸到一半，唔喺呢度講了，做人要有職業道德。 留言續。巴士日常