第一條thread，嚟吐嘈一下 話說我隔離屋住著一家5口，經常出出入入，度門乒鈴嘭唥，可能用電子門鎖出入實在太方便，就算一家人一齊去街唔會等齊人先出，係分開出門口，屋企有幾多個人就開閂幾多次門，未計漏咗嘢返轉頭攞又開多幾次。 誇張程度係，初初佢地搬嚟時，試過一日出出入入50次以上，即係度門開開閂閂乒鈴嘭唥50次，唔好話我變態𥄫住佢一家，係因為我實在忍咗佢地好多日，自問我屋企房門+廁所門+大門一日都唔會開閂50次，自私精！