其實就已經考完試成兩日 心情最差嗰段時間已經過去 但係都想講講 其實一直喺科大學習知識嘅過程係好開心嘅 唔同Professor都好俾心機咁解答晒我所有問題 我係好享受學習知識嘅過程 不過真係好憎考試 我每日讀書13個鐘以上 未算得好勤力 但係都唔算懶啦 結果考試都係有好多我唔肯定嘅嘢 或者可能我冇咩考試運 就算放咁多心機落去 考試都係發揮唔到出嚟 我真係唔係讀書嘅材料 呢種學習遊戲可能真係唔啱我玩 而家亦都冇乜心機再玩 仲有一堆外掛玩家 成個遊戲根本冇乜平衡性可言 當你係用努力同腦力 人哋係用電力同眼力 點同佢哋玩？冇得玩 當監考都冇處理到 我只可以好無奈咁接受呢個唔公平嘅遊戲 雖然未出成績 但係已經唔會有期待 我都想做Chill guy 但係做唔到 香港科技大學