［選擇性緘默症學童嘅升小分享］ 上年幫SM女兒揀學校時，一開始只想揀一間適合佢嘅學校 。 儘管我哋有20分自行入到傳統名校嘅機會， 但我深知如果比呀女入讀呢間傳統名校，佢只會成為一名隱形人，得不到關注同適當嘅照顧 。 所以把心一橫博一舖大抽獎，希望入到果間適合呀女嘅學校 。 多謝上天眷顧，呀女真係入咗間不錯嘅學校 （有資源有學術有活動） 。 由於呢間學校男多女少，晌一班男仔多嘅班房，呀女自自然然成為好易受到關注嘅一個，因為佢夠靜夠乖，上堂又專心，深受老師關愛 。 亦因為咁，佢獲得老師refer比註校言語治療師跟進 。 冇錯，呢間學校係有註校言語治療師，唔係間間學校都有 。 所以呀女有幸晌學校內得到ST嘅針對性訓練 。 與此同時，我哋終於排到東華三院何玉清嘅訓練，兩邊姑娘都有keep住update, 而何玉清嘅姑娘亦有傳授一啲方法比註校ST幫呀女 。 身為娘親嘅我真係好感恩🥹 選校心得方面，上年都做過少少研究直私學校，發覺佢哋嘅SEN支援冇津校嘅好 。 津校的話，可以research下學校有冇註校言語治療師 。 祝各位SM家長都幫到子女搵到間合適佢哋嘅小學 。