影樓租場客小分享 前排有個客人租場，分開左幾日問左好多問題，我都一一解答，最後都確認好日子同時間book場。 咁正常程序都係，日子時間確認後，就會叫對方比100%按金，我地就會hold實個期比你, 唔會比人租。 點知對方話比$100按金得唔得，因為100％按金太多，我接受唔到。 咁我都解釋返點解100％，都係想保障返你有場用，and你no show, 我地都唔會有損失，只要大家盡返責任就可以。 再者都介紹埋我地有免費改期，同收費改期機制。甚至我話你怕，你都可以唔比錢hold住個booking 先, 到影相前一日比都得。但如有其他客人book同一日，同直接比埋錢，咁你個期就會直接被取消架啦。 最後個客冇左覆我就咁消失左。 "明白作為消費者，更係想0損失下，可以有最大保障。但都因為太多呢類人，所以先要大家明白，呢個係一買一賣，唔係做緊善堂，大家應該係要負責返自己既決定"