爸爸之後（二） （含劇透） 唔明（1）：點解老豆只見到細妹的幻象，而見唔到老婆？有咩暗示？睇返啲專訪，導演似乎又無乜暗示。有點眼高手低的感覺。 唔明（2）：《這是愛》首歌，應該係同嚟帶動觀眾情緒嘅，可惜劉青雲、谷祖琳、甚至是原唱者泰廸羅賓都唱得好難聽，我入唔到戲。點解唔搵個唱得有感情啲嘅人翻唱？成套戲已經拍得好淡淡然，連首歌都都帶唔起情緒，真係敗筆。 唔明（3）：戒煙嗰幾場戲，應該係想講爸爸如常過生活，但生活已經不再如常（俾黃宇詩歧視）？想講佢為咗鼓勵獄中兒子，用戒煙身體力行？定係想從小組分享，讓爸爸吐下心聲？講講下又無講，唔知為乜。 另外，用三花貫穿成套戲，是不錯的安排。但真實個案中，應該是沒有貓的吧？