唉⋯真係要咁急咩？ 車一到，入面嘅人都未行出嚟 車外面嘅人就已經要衝入去⋯ 而家成日都會見到呢個情況 今日係鑽石山站個女廁扶住媽咪行出嚟 佢行動唔好，我翹住佢左手，佢右手已經拎住拐杖 一行3個女仔，第1個入咗去先 咁啱我同媽咪行緊出嚟，阻住後面2個女仔 其實我哋行出嚟都只係2-3秒嘅時間，唔會阻佢好耐 但佢攝住都要行入去，仲踩到我媽咪隻唔好嘅右腳⋯ 唔識講借過，唔會講sorry，我勁嬲，好想話佢 但我媽咪話算啦 相反我左邊嘅姨姨係等我哋行出嚟先再入去 好多謝姨姨嘅禮讓 我真係好憎呢啲要衝住入去嘅人🫠 你趕住去邊先？ 有時諗其實係咪我自己先唔正常😕