我之所以會咁問，係因為香港嘅廣東話有同樣嘅情況，大陸人將廣東話（粵語）視為方言，但香港人唔會，因為廣東話本身就同唔到唔識廣東話但又識普通話嘅人溝通，而且文法聲調讀音根本完全唔同，語言學家亦都將「粵語」同「官語」分開，近排google translate出現廣東話，亦顯示為「粵文」，姐係將「粵語」同「官語」分開為兩種語言 同時香港係前英國殖民地，我地香港人講嘅廣東話都加左唔少英文喺入面（講緊用字係由英文直接用喺廣東話而唔係齋用英文個字，例如士巴拿，巴士，的士，士多等等） 同時係有呢個情況，其實我會覺得台灣人應該視「閩南語（台語）」為語言，而唔係將佢視為方言/自成一語