睇番前兩年d相，應該係最bulk肉量最多最pump嘅時間（ard 78kg)，睇番依家嘅身型（ard 75kg)，確實係兩碼子嘅事。 有咁嘅分別，仔細諗番主要關係到3個方面： 1. 飲食，呢樣一定係最主要，you are what you eat，當時確實放左好多心機自己prep meal，雖然我唔係要比賽，但亦有一段時間真係拎個磅去計自己食左幾多。雖然依家都有概念自己食左幾多/要食幾多先夠，但外食始終無自己prep咁好。睇番都覺得自己嗰時好有心機。 2. 操練模式，當時係零跑，最多只會行機30-40分鐘，肌肉流失同依家相比係兩個層次，當時唔跑，一方面係想儲肉，另一方面係幫緊一個朋友做運動計劃編寫嘅功課，每一日都有特定課表，而且主要針對操腳，所以已經無力兼顧跑/其他cardio。但近年開始針對Hyrox訓練，跑唔快真係無可能有好成績，所以慢慢增加跑量，由一開始一個月60k慢慢加到200k，呢個跑量確實好難hold肉。 3. 壓力，早兩年嘅工作單位工作比較單調，作息定時，自然地回復都會做得好好多，對肌肉成長有利，對比依家嘅工作，心身壓力都較大，作息難維持規律，都大大影響重肌肉同肌力成長。