31號佢話佢啲frd想book partyroom玩 佢專登同我講 我話你咪去囉 佢話咁咪冇得陪你囉 我細細聲講咗句 預撚咗啦 其實我知佢個ex都會到 出門之前我又發現佢尋晚話打俾我又無啦啦話去廁所 又去咗同佢ex講電話 上次我冇出聲出咗去飲酒冇同佢講 嗰次嘈咗鑊 我已經順便講埋我係因為佢個ex所以唔會同佢拍拖 但佢都係咁 如果你年尾係想陪我咁就唔會有上面嗰段對話出現 我自己話唔想佢去係冇意思 佢見我每次都唔出聲以為我咩都唔知就可以咁得寸進尺 一次又一次心軟只會害咗我自己 如果年尾佢真係去咗 2025年我就唔會再覆佢任何一句 我會係跨年嗰刻send段訊息俾佢斬纜然後就完 我點都唔會接受一個長期同ex keep contact嘅人 當我係啲咩 你哋一齊咗七年又點 如果咁需要大家咁咪一齊翻 唔好再一路話愛我一路繼續同佢keep close contact 佢呃我嗰啲嘢係我自己偷睇發現到 冇得拎出嚟發難 同埋發難完佢就算話改又點 佢發現咗我會睇佢電話只會收得更埋 無意思 所以我唔會講 但只要佢做到出面我就會發難 仲有16日 有機會係我哋最後半個月相處 好自為之。