第二個深刻嘅一幕正正又係同答案有關。 厚明18歲生日，當佢想開口同爸爸講「答案」嘅時候。 爸爸今次拒絕咗，並表示如果個答案唔係對厚明康復有幫助，唔需要去回答。 或者#無答案 就係最好嘅答案。 電影當中呢係一段非常之複雜嘅父子情，最難過當然係因為呢件事係真人真事嘅改編。 電影當中爸爸用小蒙恬輸入法，寫好多信去表達對兩母女嘅思念。而厚明以一封手寫信去寄望得到爸爸嘅原諒。 行為呢好反映出兩父子呢都係不善言辭，唯有透過文字去抒發心中嘅情感。 「1 2 3 4 5 6……」 同時間呢我都好欣賞導演喺唔同嘅細節之中去表達爸爸嘅心路歷程，其實傷痛係深入喺生活裏面每一個細節。唔係單純嘅悲傷同時間亦都好氣憤，千萬種嘅情緒，每日都會比唔同嘅小事一觸即發。 透過彌補、寫信及反思， 學習放下同原諒。 好似係好漫長嘅路段，幻想可能係好大嘅高低起伏。 但事實上佢就係日常， 學習放低就係日常嘅一部份。 最後祝福Dylan能夠如佢得力歌曲 《F.R.I.E.N.D.S》趁年輕活得盡興，玩得黐線開心！ 而喺電影上可以越走越遠，有更加多嘅機會嘗試進入同創造更加多唔同嘅平行宇宙俾大家啦。