Walking dad 骨頭未脆前想行多啲路，四周圍睇吓香港唔同面貌，仲淘咗一堆遠足工具準備隨時起行。 今日有空上龍脊走一轉，柴灣出發由連城道上，撐樓梯穿過墳場十分鐘頭就上到馬塘坳，沿港島徑逆行上龍脊。星期五由呢便上人唔算多亦唔難行，天陰密雲但雲唔算厚，中途見到呢個奇景：棉胎雲中裂開一道缺口，好似個袋口，可以睇到藍天。 到底果個位發生咩事唔俾雲封埋?