學業失敗 愛情失敗 連我最著緊嘅友情都失敗 因為生活係唔同地方有時差，再加上生活圈子唔同 令到我覺得自己好失敗 識左咁耐，有時候佢哋話call我又唔得閒 明明我認承左，因為屋企人所以放飛機 道完歉之後，我發現我哋嘅感情好似已經唔再好似之前咁 佢哋生活係同一個地方，可以出街維繫感情，但我唔得 我連想返香港都係一個天馬行空嘅野 我好辛苦 我每日嘅精神支柱就係佢哋，每日放學call已經變成日常 但星期六日我有活動，未必可以準時call，但我都盡力趕返屋企 之前佢哋都會緊張我入唔入call，但好似依家佢哋已經唔再需要我 唔再關心我 唔再緊張我 我覺得我同佢哋之間嘅距離越來越遠 三個人嘅友誼，係唔係一定要一個人離開