《我不推薦卡舖系列》 話說最近都去咗唔同地方打pomekon卡比賽,都見識到有唔少卡舖環境唔係太好所以想分享吓我嘅經歷等大家自行判斷下仲去唔去玩啦🤭 今日去咗長沙灣嗰間xx之國打gym battle,第二round嘅時候咁啱對面應該係新手打得比較慢最後搞到要打01,正常情況下大部份卡鋪都會俾大家打多一兩round希望分出勝負,不過佢哋就比較遵守規矩直接01完場,其實俾我做埋我個turn已經可以分出勝負不過舖頭唔俾.冇話做錯嘅,打場普通嘅gym battle要跟規矩行得咁死都冇問題嘅,不過明知自己嗰場咁多新手本來就好難場場都可以25分鐘完game😂如果真係驚耽誤時間好心開場就唔好咁多廢話又要逐個player對名又要由頭到尾講一次規矩先開game啦😂 雙敗完已經0-2再加上bye win費事嘥時間直接drop咗,不過因為當時未派promo pack(理應入場嘅時候派),於是我wts授權咗俾我同場嘅朋友個包promo pack,可惜店家方便堅持話因為我drop咗所以唔會派promo pack,其實玩得呢啲遊戲都預咗間舖頭有最後解釋權, 不過會同player企到咁硬嘅舖頭真係好少見😂