《沒終點的青春》 Jer 柳應廷 又係一個失眠嘅夜晚，望住窗外等天光。原來冬天要朝早八點先會天光。呢種感覺好熟悉，但真係唔想持續落去。聽到首歌，望住歌詞，有一種講唔出嘅感受： 「叫不出 喊不出 你心中 所有苦衷 看不出 說不出 因未及 別人出眾…」 最近學識咗一句：未經別人苦，莫勸他人善 每個人都有自己嘅難處，生活唔需要比較邊個苦啲、邊個少啲。互相支持就已經夠。如果可以我都想快樂去生活，有工然後繼續進修，好多野都唔容易去解釋。 「劃破光陰跟你講 全靠你以往那衝動一直去衝 當你及我七百萬個 生與命太匆匆 花樣年華 不知道遺憾中多凍。」 希望來年可以繼續保持住「向前衝」嘅心態，唔好因為生活或者成長而迫自己磨平曬所有棱角。變好嘅過程一定唔舒服，但適當嘅時間，應該嚟嘅嘢自然會嚟 無論係一件事、一個人、一種追求，定係一份理想。 相信一切都有最好嘅安排，繼續生活，繼續支持自己。 沒終點的青春