Өткенде құрбымның үйінде патриот болу жайлы сөз қозғалды. Мен өзімді патриотпын деп айта алмаймын дедім. Бір сәт сынға толы үнсіздік орнады... Мен табаным тиген топырағымды, тыныстаған ауамды, қаныммен біте қайнасқан ұлтымды, жазу мен сөйлеуді үйренген туған тілімді жақсы көрмеуім мүмкін емес - деп, ойымды жалғастырдым. Яғни, өзімді сүю - Отанымды сүю. Отанымды сүю - өзімді сүю. Бұл мен үшін ажыратылмайтын байланыс. Және ұлтшылдық сезімі қолдан жасалатын дүние емес. Ол сенде не бар, не жоқ.