頭先喺公公房搵到一包過咗期幾日嘅pizza薯片 係公公買比我嘅最後一包薯片 我由有記憶開始就好鍾意食pizza薯片 所以公公每次去超市都會買定幾包存貨 擺喺佢房 我每次入去攞 阿公就會笑住講 「衰妹仔 又食薯片」 公公走咗唔經唔覺半年 半年前開始 我自己買薯片食 因為我一直唔敢面對公公走咗嘅現實 唔敢入佢房見到空盪盪嘅床 唔敢打開呢個充滿回憶嘅食物櫃 今日偶然想搵零食 發現原來仲有一包薯片 仲過埋期 不過我對公公嘅記憶永遠都唔會過期 上星期仲夢到佢 不過好快就喊到醒咗 雖然我宜家打呢篇都仲係喊到fi哩fe呢 但我陣間會笑住咁食完呢包薯片 多謝公公🤍