搭的士奇遇2.0 如果有司機大哥路過指點下呢啲情況應該點搞 事源有日有啲唔舒服想早啲返屋企 所以就喺尖沙咀call咗85折的士番大西北 都順利好快就有車等咗一陣就上咗車 期間車資去到30幾蚊嘅時候 司機突然叫我除低耳機 問可唔可以去打氣 因為條軚冇氣 咁我覺得呢啲嘢焗住冇辦法就應承咗 司機原話:最多減你10蚊 其實本身我覺得冇乜所謂 安全第一 首先好奇怪係中途經過好多油站都沒有入去 但係就最終去咗一個近南昌 只有的士去入油嘅油站 而司機第一時間落車並唔係去打氣 而係去入油 仲要落車並沒有停錶 去到呢度我都大概知司機目的係入油，而唔係打氣 等咗5分鐘左右司機終於返嚟 笑住咁話:哎呀唔記得停錶添 佢話打氣順便入個油 嗰一刻我並沒有講啲咩 因為真係唔舒服，我淨係想快啲返屋企🥲 終於到屋企樓下 已經用咗大概一個鐘 當中有15-20分鐘都係俾佢兜路去油站 其實係仲耐過搭地鐵 最後個司機減左$20 但係冇八五折 回憶返嗰時佢語氣係好似佢蝕咗俾我咁 就咁樣我就俾咗大概$300先返到屋企 仲要比平時用多咗時間 自呢次之後就冇再搭過長途的士🫴🏻 #個別例子，如有雷同實屬不幸 #DC #DC