移英後逐漸改變的生活習慣： 1. Lunch唔再想大魚大肉，亦唔覺meal deal有咩問題，仲覺得份量啱啱好，食完繼續開工又唔會好眼訓 2. 愛上左飲啡（非連鎖） 3. 見到人打招呼會講you alright? 4. 巴士開開下停左除左心入面屌一屌之外唔會有太大情緒波動。落車等下架 5. 病左返唔到工，唔會格硬病住返，會安然地射波，以前係香港會頂硬上，因為射波會比人覺得扮病 6. 同樣地返工遲到少少，唔會好似香港咁遲1分鐘都覺得唔好意思，反而會chill住返因為反正都遲左 7. 唔太掛住香港食物，亦好少去中超買野，買都係買indomie 8. 覺得英國薯片好食過香港空氣薯片，雖然無咁多古靈精怪味，但比較有薯味 9. 食多左原形食物，同埋自己煮多左，整體飲食都有營養過係香港 10. 冬天天氣係令人抑鬱，但都習慣左，唔覺得有太大影響，因為反正都係返工