呢邊好多醫生都唔多鍾意做洗牙剝牙，因為好難術前plan好。遇著唔洗剝牙嘅可能40分鐘就搞掂xray同洗牙，唔好彩照完xray發現有好多牙要剝可能要整足兩個鐘(我診所係最多做兩個鐘，唔夠時間就比貓狗復原2個月先再做，減低麻醉風險) 仲要高度精神集中小心整斷牙根又要花好多時間去剝。總之冇人想做，所以我包攬左大部分case😂 琴日嚟左隻12歲有糖尿病嘅狗狗，從來冇洗過牙，主人掙扎左好耐，麻醉前做左好多評估 + 問左麻醉科醫生意見先安排麻醉 照完x光發現原來佢斷左隻牙，牙根留左係骨入面，仲要有發炎嘅跡象。外面係完全睇唔出，主人亦以為佢係年紀大甩左隻牙。最後成功拎返啲牙根，狗狗嘅手術好成功，恢復得好好，過幾日再返嚟覆診就ok☺️ 再一次提醒各位主人牙齒問題未必肉眼睇得到。琴日隻狗狗成日牙石好臭，我以為要剝大牙，最後照完x光發現拎返牙根就ok。至於擔心麻醉風險就必定要同醫生討論好，做萬全嘅準備☝🏻啲牙仔痛佢哋都會食嘢㗎，但係真係會痛又忍住🥺 可惜我唔記得影術前嘅相，如果有興趣知多啲我下次可以影下相😉 PS 牙科唔係我專項不過我有持續同牙科醫生聯絡同每年進修