話說我舊公司有個同事係姨姨 佢入職個陣我都做左3年 入職個一刻已經擺姿態 乜都唔想做 又覺得自己好pro好叻 總之就係搞不撚掂 我自此幫佢改左個名做”威威” 佢對公司好不滿覺得自己留係到大材小用 覺得上司同所有人都係垃圾廢柴 但就係貪工作地點係佢屋企隔離 步行3分鐘個種咁近 佢好多嘢講 好E E到我懷疑佢無朋友同佢老公唔同佢講嘢 佢就當左我朋友 日日炮轟式咁樣轟落我隻耳仔度 我用痛苦形容 我只係做得佢個女嘅同事 直到8月我離職 到而家 一日一信息轟炸係係基本 佢唔知點解成日好似好羡慕我轉到而家份工 佢都好想做喎 心諗我捱到仆街你唔知姐 但我又好賤 唔想block 想食花生 成日問佢辭職未 因為佢話佢每日都辭職 每日都話走 但貪呢到近又無王管 可惜佢嘅如意算盤打唔響 佢近排返港島某醫院office為多 所以日日呻 我無覆過 佢都照每日一send