原本打算出呢幾張相，可能會寫好多字，但執完相之後，我已經唔記得我原本想寫咩。原意內容大概係想講，今次返香港影咗三輯相。本來無諗過要影咩，只係純粹想睇下離開左3年之後再返嚟，帶住唔同既觀點去睇一啲舊嘅事物，去影一啲我曾經擁有但重來都無打算影嘅風景。 同我比較熟嘅朋友可能都知道，其實每次影相，我心裡面都會有首歌。首歌係乜嘢歌唔係重點，首歌可能同輯相係完全無關係，只係旋律或者歌詞令我腦裡面潛意識引發有某種畫面。其實大部分時間，首歌係影完輯相之後，都會自動割蓆，所以我好少會同人提起呢個影相嘅概念。不過今次啱啱相反，我係先有想要影嘅地方，想要影嘅時間，腦裡面都已經有左一啲畫面。有一日突然間有首歌就係我腦裡面出現 - 「今生不再」。 點解我突別要提起呢首歌，因為我覺得首歌係同呢三輯相嘅配合程度，直頭可以整一個老土 Slideshow出嚟。 BTW 我諗比我影果三條女，都唔知呢首…老…歌…😅 yoyo.chanmy 港風