獨遊大阪～京都 Day2 今次出發去京都，上次嚟日本join Day Tour玩，真係覺得意猶未盡！ 出發前定咗兩個地點要去 1. 御金神社⛩️ 2. 清水寺 我係淀屋橋出發，一條線就可以去到京都👍 原來喺大阪去京都 大約一個鐘車程就到 同平時返屯門嘅時間差唔多 去到御金神社，原來好細🤣 我最想要嗰個錢包👛御守賣哂，本身仲諗住送朋友😆 我去到京都先打開個Google睇附近有咩玩😆 發現附近個水族館幾吸引，冇時間去啊！ 跟住我臨時加插八坂神社⛩️ 然後再慢慢行去清水寺😂 我好懷念清水寺入面食嘅烏冬 係我今次想去清水寺嘅主要目的😝 行到差唔多入夜，我就搭巴士去祗園四條 話說我係第一次喺日本搭巴士🚌 夜晚我返大阪，一落車就聞到好香 Omg! 係我最鍾意食嘅雞蛋糕！ 排晒長龍，好多日本人都排隊買！ 買完想袋起佢返酒店 ！？ 我個環保袋呢？ GG! 留低咗喺車箱！ 入面有我買俾親戚朋友嘅御守😅 好彩最後搵得返！ 日本真係超正，上次我留低咗電話喺廁所都搵得返！ 今次都搵得返😆👍 其實我記得上次Day tour去伏見稻荷大社都覺得意猶未盡，有諗過會唔會聽日再去？ 待續……