［Adhd藥後2星期第一次覆診］ 其實用藥後最明顯嘅分別係頭兩三日， 之後食都係令上課時有改善但無頭兩日咁誇張。 我覺得藥量夠用， 醫生就話呢個劑量最低， 再食一個月睇下有冇需要加量。 食左一星期藥後小朋友胃口好返啲， 食到平時2/3食量， 但因為假日keep住要8:30前食藥， 晚上好遲先瞓得着， 所以假期都食嘅話無得補眠， 醫生話而家唔適合自行停兩日藥， 但聖誕假可停一星期， 希望趁住停藥可以食返多啲嘢。 另外因為小朋友有Asd， 所以即使食藥後專心咗， 自閉症嘅社交問題仍然存在， 雖然小朋友仲係小一， 但係佢啲情緒行為都會引起其他同學好奇， 有啲同學知道某啲事情會引起我小朋友情緒激動，所以特登去聊佢希望激到我小朋友「發癲」， 暫時我都唔知點處理，唯有問返嗰位同學點解要咁樣做，雖然佢無睬我，但起碼俾佢知道我睇到。 如果同老師講又唔知點開口， 因為呢啲都係成長學社交嘅必經階段， 我又唔想太保護好似冇機會俾小朋友學習碰釘咁🤔 adhd