之前提過化療期間頭3針都過得唔錯, 咁到底第4針開始我經歷緊啲咩 D 毛甩得7788, 頭髮眉毛事少, 原來眼睫毛同鼻毛先緊要, 我唔知係本身食野都會有淚水鼻水分泌定點, 我一食野就不停流眼水同鼻水, 無左D 毛擋一擋, 一流就流落嘴🤧一路食野要不停抹。最慘係同朋友食飯, 以為我喊😅另外係水腫, 腫到我唔係好行到, 加上做緊化療, 心肺功能又差, 行兩步都心臟狂跳🫠就黎爆炸咁🤯我試過只不過搭一個地鐵站, 但行上行落都好辛苦, 行兩步我都要停一停唞順條氣🥴個時我係要用行山枚, 但因為我都著到好似行山咁, 無人讓過座俾我😆 同埋我踎唔低 / 踎左起唔到身, 所以前文有提過, 我見到錢都執唔到💸 同場加映, 我係沙田博物館睇唔到1.5吋既一級, 朝拜式咁撻左係人地門口, 個保安叔叔好緊張係咁問我咩事, 但我真係一時間未回應到, 場面有D 好笑 最後, 我係手術前終於肯剃光頭, 準備做奇異果🥝 乳癌