759阿信屋早幾日公佈盈轉虧，呢個唔出奇，令人詫異嘅係佢哋對未來絕望嘅口吻。業績上寫『零售業界正經歷著前所未有的困難。管理層坦然未能預料市道何時出現復甦，並預期現今的市場狀況將有機會維持一段頗長的時間。』 筆者都睇過唔少上市公司業績通告，幾乎清一色係正面L，口吻積極向上，難關只係暫時，未來充滿機會。但今次759坦白話完全唔知幾時復甦，有排捱咁話。 睇返份業績，零售收入跌8.9%，唔算跌得太誇。收入少咗，公司話夜晚無人流，即係話政府提倡嘅夜繽紛無料到啫，又話港人北上消費，股市樓市唔掂，影響消費意欲咁話。 但最慘係支出有增無減。管理層話，燃料費、商舖管理費、人工都升咗，就算話而家租金跌咗，但因為好多鋪之前簽咗約，仍然要俾貴租。 另外利息支出都多咗，之前見759逐年還錢，以為佢還完錢之後可以增派息，而家唔好話派息，錢都無得賺，今年借貸又多返。 睇完份業績，人都灰灰哋。 阿信屋 #致趣相投 {筆者為證監會持牌人(編號:AWK994)，本人及相關人士沒持有上述股份。以上資料僅供參考之用，並不構成提供任何投資建議及買賣要約。}