｜ 傷心要稍等 「你支持住，我會搵最好嘅醫生比你」… 喺公立醫院嘅一星期，縱使已經抽針，懷疑係晚期肺癌，然後又驗咗幾隻基因突變都無。 出咗份report ，對住一堆CLS密碼， (EXON19), L858R (Exon 21), L861q (Exon 21), G719 (Exon18), F7680i (Exon 20) 全部都唔關事… …. 醫生診斷為無藥可以醫。 Pet Scan 未安排到，唔知係咪肺癌。 屋企人而每日係醫院抽肺水，身體難以忍受嘅痛楚。 然後醫院又話痴唔到肺膜，所以唔比出院。幾時再黐？未答到。 腫瘤科醫生一個禮拜得一日巡房。 全部都一拖再拖。 種種無望之中，我同屋企人講 「你支持住，我會搵最好嘅醫生比你」 同時我同自己講 「撐住，冇時間唔開心，要加快兩步搵方法」 後記: ✖️唔好拖，可以快得一日就一日。 ✖️唔好放棄，就算公立同你講無藥醫。 ✖️唔好淨係聽醫生講，自己做好功課📚，知道發生咩事。 ✔️仲有好多野要做，之後再傷心🩷