【旅行軼事20】 喺旅行時嘅寄宿家庭我遇到來自芬蘭嘅情侶。 其中一位外表係亞洲人樣貌。 喺自我介紹嘅時候，佢好自然地提及佢係内地被領養嘅小朋友，自小就喺芬蘭長大。 佢話仲記得少少幾歲嗰陣嘅記憶，喺孤兒院同另一位小朋友用普通話傾邊個會領養佢哋，但佢長大後已經唔識點講普通話，日常都係用芬蘭語。 領養開始嘅時候，父母話佢細個嘅時候好靜，唔知係咪内地孤兒院教育過班小朋友安靜等於乖？ 後來佢父母同佢都有做心理治療同參加協助領養家庭嘅活動。佢話好多得嗰陣遇到好嘅治療師，令佢開始識得點將內心感受講出嚟，因為佢大個後，心理上都算無乜缺失，同父母關係亦好好 :) 即使佢知自己邊個城市出世，都無想搵返親生父母嘅衝動，畢竟大家已生活唔同世界。 但佢亦見唔少例子係内心感到有缺失，大個會有想尋根嘅念頭，即使搵到親生父母，最後都可能要再經歷第二次嘅離別。 同佢哋只相處咗一個晚上同一個中午食晏嘅時間， 但對話好deep好珍貴，其間亦交流咗陣各自嘅生活環境同旅行經歷。 最後我哋離別嘅時候，無合照，但交換咗contact，如果日後仲有緣聯絡同見面，再合照留念吧 :) 旅行軼事