前嗰排同個friend 講起擦鞋呢種行為，大家都認為過度嘅擦鞋或者討好真係好煩，但係我同時認為喺職場係需要某程度嘅「擦鞋」。 個人嚟講我「擦鞋」嘅方式係用工作表現去擦。我會go extra mile 去完成工作同表示我好care 同我嘅熱情。例如當時我英國間firm 好想同亞洲嘅office 打好關係，咁我就每年番香港嘅時候都會抽一日去香港office 度見唔同嘅人，同大家打好關係。又或者一般in-house 文化都係放工唔覆機，但係因為我理解大家搵唔到legal嘅痛苦，所以我就算唔可以即刻做嘢，都會至少比大家搵到個人，而當然我好好彩，大家都係appreciate同支持我做呢啲嘢，而唔係不滿我做咩搞禁多。 不過我想講嘅係，凡事做過龍都係有問題，所以我覺得「擦鞋」其實唔一定係有問題，而係睇你點擦同出發點係乜。